قصة نجاح !!
قصة نجاح
مش محتاج تكون عبقرى اوغنى عشان تنجح ، انت بس محتاج تشوف الفرص اللى حواليك و تشتغل عليها كويس لحد ما تلاقى الحاجة اللى هتحس انها بتاعتك انت ، كلايد بيزلى قضى 11 سنة فى السجن و فى يوم و هو فى السجن كان قاعد بيتفرج على ماتش جولف و الماتش اتوقف بسبب المطر ، و قال لنفسه ساعتها ليه ميكونش فيه لعبة للجولف على طاولة ؟
و طول ما هو فى السجن كان بيفكر فى قوانين الفكرة الجديدة و المقاسات و ممكن تتنفذ ازاى ...
لحد ما العقوبة بتاعته خلصت (11 سنة) و اول حاجة عملها بعد لما خرج من السجن انه راح اشنرى الادوات اللى هيعمل بيها فكرته ، و بعد لما عمل اول نموذج للعبة بتاعته جاب الشباب القريبين منه عشان يجربوها و عرف رأيهم ، عجبتهم كلهم و قالوا انها لعبة عبقرية !! و بكده هو عرف انه فى اهم خطوة و اللى هى تسويق الفكرة بتاعته
كلايد لف على كل النوادى و الاماكن الترفيهية و طبعاً اى حاجة جديدة الناس بتخاف منها فكل اللى قابلهم رفضوا انهم يشتروا او يسوقوا فكرته الجديدة ، لحد ما راح معرض للعبة البلياردو بيتعمل فى امريكا كل سنة ، و عرض فكرته على شركة من شركات الالعاب هناك عجبتهم الفكرة بتاعته جداً و قرروا ينفذوها
و من هنا ابتدى كلايد و تجاوزت مبيعات اللعبة بتاعته 5 مليون دولار فى اول سنتين بس.
لا تعليقات في " قصة نجاح !! "