قصة نجاح مايكل ديل
ولد صغير شقي شويتين اسمه " مايكل ديل " كان مهتم جداً بالكمبيوتر وأول واحد اشتراه كان من نوع أبل 2 وفكه حته حته علشان يعرف بيشتغل ازاي..!
من كتر اهتمامه وحبه لمجال الكمبيوتر غاب عن مدرسته أسبوع كامل علشان يحضر مؤتمر للحواسب .. يعني نقدر نقول كان معدي مرحله الشغف دي بكتير
من كتر اهتمامه وحبه لمجال الكمبيوتر غاب عن مدرسته أسبوع كامل علشان يحضر مؤتمر للحواسب .. يعني نقدر نقول كان معدي مرحله الشغف دي بكتير
وكبر شوية ودخل جامعة تكساس وبدأ يبيع أجهزة الكمبيوتر وملحقاتها في عنبر الطلاب وبعدها بفترة ساب الدراسة وعمل شركة ديل كمبيوتر برأس مال ميزدش عن 1000 دولار و سماها DELL.
ايوة هيا شركة DELL اللى بتشوفها دلوقتي فى كل مكان ويمكن يكون اللاب توب بتاعك DELL
ايوة هيا شركة DELL اللى بتشوفها دلوقتي فى كل مكان ويمكن يكون اللاب توب بتاعك DELL
, بس كانت بدايتها انها شركته بتجمّع الأجهزة وتبيعها مباشرة للعملاء بأسعار اقل وبدون وسيط وكانت فكرة البيع المباشر جديدة في الوقت ده، وكان المبدأ اللي اعتمد عليه انه لما يبيع للعملاء مباشرة هيقدر يعرف ايه متطلباتهم بشكل اسرع،
بعدها بسنتين مايكل قدم جهاز كمبيوتر سرعته 12 ميغاهرتز في معرض كومديكس وكان سعر الجهاز 1.995 دولار واللي كان بينافس وقتها جهاز IBM اللي سرعته 6 ميغاهرتز وسعره 3.995 واللي كان هدفه هزيمة شركة IBM.
في سنة 1985 بقي قدمت شركة DELL بقيادة مايكل أول جهاز كمبيوتر شخصي من تصميمها سمته تيربو بي سي واللي اعتمد على معالج إنتل 8088 وبسرعة 8 ميغاهرتز وقدرت شركته تحقق أرباح عدت الـ 6 مليون دولار في السنة الأولى، وفي سنة 1987 افتتح ديل فرع لشركته في لندن وحوّل اسم الشركة الى شركة حواسب ديل.
سنة 1992 ضمت مجلة فورتشن الأمريكية شركة ديل إلى قائمتها لأكبر 500 شركة، وفي 1996 بدات ديل بيع منتجاتها على الانتر نت وقدرت تعدّي الشركة المنافسة كومباك في التصنيف علشان تبقى البائع الأكبر للحواسيب في الولايات المتحدة الأمريكية..
في سنة 2003 وافق المساهمين في الشركة لتغيير اسمها الى Dell incorporation لتسهيل دخول الشركة في مجال بيع منتجات أخرى غير الحواسب، وده كان نجاح كبير للشركة.
وبالنجاح ده بقى ترتيب مايكل ديل رابع أغنى رجل في الولايات المتحدة الأمريكية، بثروة تقارب 18 مليار دولار، واللي بقى ترتيبه الـ 18 كأغنى رجل في العالم..
وبالنجاح ده بقى ترتيب مايكل ديل رابع أغنى رجل في الولايات المتحدة الأمريكية، بثروة تقارب 18 مليار دولار، واللي بقى ترتيبه الـ 18 كأغنى رجل في العالم..
لا تعليقات في " قصة نجاح مايكل ديل "